Natuto Na

May mga pagkakamali man

Paulit-ulit man

Nakakasawa man

Lahat naman yon ay aking pinagsisisihan

Hindi sayo nararapat masaktan

Ikaw yung tipo ng tao na dapat lang alagaan

Tipong ‘di pwedeng dapuan ng langaw o anuman

Ganoon ka kahalaga

Ganoon ka dapat pinapahalagahan

Ganoon dapat kita pahalagahan

Ganoon dapat kita pinahalagahan

Ngunit huli na,

Masyado ka nang nagalusan

Sugatan

Kaya ngayon ako na’y iiwan

Natuto ka na

Nalaman mo na ang iyong halaga

Na hindi ka dapat nasa lugar kung saan lagi ka lang masasaktan

Na dapat ‘di ka palaging luhaan

Na hindi ka dapat sa ‘kin

Na hindi mo na ‘ko dapat ibigin

Natuto na ‘ko

Nalaman ko na ang halaga mo

Na ikaw talaga ang mahal ko

Na nagsisisi na ko

Pero huli na’t iniwan mo na ko

Kakapalan ko na ang mukha ko

Sa huling pagkakataon

Hihingi ng isa pang pagkakataon

Hihintayin ko ang iyong tugon

Kahit sa ngayon,

Pahinga na lang muna tayo

Baka pagod lang tayo

Baka ‘di pa talaga ito yung dulo

Baka masusundan pa ‘to

Umaasa pa rin ako

Alam kong mahal mo pa ‘ko

Basta mahal,

Huwag lang din sana magtagal

Ang pagpapahinga natin baka mauwi rin sa hiwalayan

At makahanap ka ng ibang kaya na ‘kong lamangan

Ang hirap lang din sa alangan

Pero sino pa ba ako ngayon para ikaw ay pigilan?