Sugal

Swerte daw ako sa sugal sabi ng nanay ko

Naniwala ako

Sumugal ako

Siguradong sigurado ako sa pagkakataya

Walang pagaalinlangan

Pero natural kabado

Pero desidido ako

Ano man maging resulta tanggap ko

Pero yun ang akala ko

Kaya ayun, natalo

Nasaktan ako

Sobra

Mahirap talaga maging kampante

Buong mawawala, di lang parte

Nilaan ko lahat eh

Pakiramdam ko walang wala na

Takot na rin akong sumugal pa

Kahit may onti pang pag-asa

Uuwi nalang akong malungkot

May halong yamot

Pero di magtatagal, susugal ako ulit

Ganoon lang ulit

Paulit-ulit

Hanggang sa manalo

Hanggang sa mabawi ko lahat ng nawala sakin

Habang buhay nang ganon

Magiging bisyo ko na umasa

Kaaadikan ko nang tumaya

Kahit di sigurado

Wala naman kasing sigurado sa mundo

Atleast di talaga ko talo

Kasi sinubukan ko

Kaya lang, Di ko naiisip na andami nang nawawala sakin

Hanggang ngayon di parin ako nananalo

Hanggang ngayon di ko pa rin basa ang takbo ng isip ng tao

Hanggang ngayon kinakapa ko pa rin ang mundo

Hanggang kailan ako matututo?