Takot

Hindi ako takot sa dilim

Hindi ako takot sa multo

Hindi ako takot sa kahit ano

Pero nung nakilala kita,

Dun ko lang naramdaman yung takot

Takot na malaman mong may nararamdaman na ko para sayo

Takot na masabihan ng masama ng ibang tao

Pero nung nangyari na yung kinakatakutan ko

Masaya akong nalaman mo

Masaya akong nakaya ko

Kasi yung nararamdaman ko

Pareho pala ng nararamdaman mo

Pero sabi ng kakilala ko

Ang mga lalaki ay magaling manigurado

Di sila magmamahal kung alam nilang walang sasalo

Kaya muli, nakaramdam ako ng takot

Takot na baka kaya mo lang sinabing gusto mo ko

Dahil may pagtingin na ako sayo

Baka ayaw mo lang ako mabigo

Pero andito na tayo

Mayroon ng "tayo"

Araw-araw mo din namang pinapakitang mali ang hinala ko

Ramdam ko namang mahal mo talaga ako

Pero ang takot ko na baka iwan mo ko

Yun nalang ang tanging iniisip ko

Na wag naman sana

Pakiusap

Ayokong maranasan yung hirap

Ayos lang na may luhang pumatak

Basta alam kong kamay mo pa rin ang hawak

Ayos lang makaramdam ng sakit

Basta alam kong akin ka kahit nakapikit

Ayos lang maging malungkot

Basta alam kong karamay kita sa puot

Ayos lang ako masaktan

Huwag mo lang talaga ako iwan