On-Game

Sa una, ang saya at puno ng sigla

Nanliligaw ka na parang sigurado ka na talaga

Kahit alam mong hindi pa ko gaanong kahanda

Ganunpaman, sinagot kitang walang pagkakaila

Hindi pa man ako handa

Naniwala akong tadhana na ang bahala basta ba'y mahal kita

Alam kong minsan hindi talaga masaya

Alam kong minsan may dadaang problema

Alam kong minsan sa pag-ibig, masakit talaga

Pero bakit yung minsan naging lagi na?

Hindi ako nasabihang saglit lang pala ako giginhawa

Wala palang araw na di magkakaproblema

Hindi ko naman alam na sobrang sakit pala

Ganito ba talaga magmahal, mukha lang talagang masaya sa una?

Sa tuwing magkasama tayo, abot langit ang ngiti ko

Yung puso ko parang gusto nang kumawala sa lakas ng pintig nito

Pakiramdam ko kumpleto na ko

Kasi katabi ko na yung buhay ko

Pero kasabay nito ang oras na patuloy na tumatakbo

Na lalo pang kumaripas ng takbo

Na kapag kasama kita ang bilis ng ikot ng mundo

Gusto kong bumalik sa oras na nasa tabi lang kita

Kasi minsan kapag hindi,

Yung ugnayan natin ay parang bulang nawawala

Nakakalimutan mong may kasintahan ka

Na kailangan ka

Na humihingi ng kahit saglit na makausap ka

Na sabik sa lambing mo sinta

Nasan ka?

Ayun, On-Game nanaman

Na sana maging In-Love ka naman

Nakakatawa lang kasi hindi babae ang pinagseselosan ko

Kundi isang laro na kinahuhumalingan mo

Sana yan nalang niligawan at "ginirlfriend" mo

Mas pinipili mo naman yan kaysa sakin na tao

Na may nararamdaman at mas may magagawa para sayo

Pero baka nga sa sobrang galing ng teknolohiya

Di ko na kayang tapatan yung saya na naidudulot nyan sayo

Nakakatakot na

Mas matakot nga talaga ako sa realidad na kaya kong saktan at patayin

Mas matakot nga talaga ako na dumating yung oras na di na ako ang iyong mamahalin

Pero sana mas matakot ka na baka bukas di ko na lahat yan mapansin

Di dahil sa tanggap ko na

Pero dahil ayoko na

Suko na