Fliptop

Oh, mga umiibig, umibig, nasaktan magingay

Andito tayo ngayon sa laban

Ng kasintahan at ng kaibigan

Ang nanalo sa coin toss, si kasintahan

Dalawang minuto oh

Kasintahan:

"Nanligaw ako kaya't nakuha ko sya

Pinaghirapan ko lahat ng kung ano mayroon kami ngayon

Sa lahat ng problema sabay kaming umahon

Alam ko na lahat ng galaw nya sa loob ba naman ng tatlong taon

Di ko sya kailanman sinaktan

Di ko sya kailanman iniwan

Di ko sya kailanman pinahirapan

Ako ang kasintahan

Ako ang may karapatan

Pero bakit kahit ginawa ko ang lahat

Di parin pala sapat

Hahanap parin pala sya ng iba

Kaibigan pa nya

Na akala ko'y kaibigan nya lang talaga

Aaminin ko,

Pagmamahalan namin ay unti-unting lumalabo

Ngunit di ko naman sinadyang mangyari 'to

Nakampante ako masyado

Na ang mahal nya parin ay ako."

Kaibigan:

"Kaibigan lang ako

Hanggang dun lang sana ako

Kaso bakit ganito?

Di ko inasahang hahantong kami sa puntong 'to

Ganunpaman,

Siya man ay may kasintahan

Ramdam kong ito'y pagmamahal at di niya ako pinaglalaruan

Di nya ako ginagawang panakip butas dahil may problema lang

Oo kaibigan lang

Wala akong karapatan

Pero nasa puso kong ingatan sya

Bakit kasi ikaw na may karapatan

Di mo magawa sa kaniya?

Nagkulang ka kaya ngayo'y kapiling ko siya

Masaya kami pag magkasama

Ngunit sa twing mababanggit ang pangalan mo

Tila biglang sinakluban sya ng mundo

Naiisip din kita

Alam kong masasaktan ka

Pero pre, nasasaktan din siya

Kaya andito ako para damayan sya

Sa mga panahong wala ka sa tabi nya

Pero kaibigan lang talaga ako

Baligtarin man ang mundo

Basta payo ko nalang sayo

Huwag mong pababayaan yung saglit kong iningatan

Huwag mong paiiyakin yung saglit kong pinasaya

Huwag mong iiwan yung gusto ko mang manatili sakin pero..

Ako'y kaibigan lang

Ikaw yung kasintahan."

Kasintahan:

"Kasintahan ako pero parang ako pa yung talo

Mas gusto na nga ata nya sayo

Pero lalaban ako... sana

Ngunit parang kailangan ko nang sumuko

Kailangan ko na syang isuko

Isuko sayo

Kaya mo bang ipangako?

Na ingatan at mahalin sya gaya ng mga ginawa ko

O higit pa dun, bro

Ibabalik ko yung payo mo sakin

Huwag mong pababayaan yung tatlong taon kong iningatan

Huwag mong paiiyakin yung tatlong taon kong pinasaya

Huwag mong iiwan yung gusto ko mang manatili sakin pero..

Wala nang kami at ikaw na yung andyan

Sana masaya na kayo

Sana napasaya ko kayo

Sana tama lang na gawin ko 'to

Kasi kung isang pagkakamaling palayain ko sya

Kung isang pagkakamali ka sakanya

Ang masasabi ko nalang,

"Di ba dyan kayo masaya?"

Kaibigan:

Patawarin mo ako

Hindi ko plano ang lahat nang to

Oo gago ako

Ang gago din kung sabihin kong nagmahal lang ako

Pero pre, nagmahal lang talaga ako

At ganito akong tipo ng tao

Na gusto ko nakukuha ko ang gusto ko

At masaya akong nakuha ko

Pero may takot at pangamba ako

Umabot kayo ng tatlong taon at di yun biro

At naiisip ka parin niya kahit papaano

Kahit ang kasama na nya'y ako

Di rin madali sa kaniya, ramdam ko

Mahal ka pa nya, tingin ko

Pero dahil siya'y napapasaya ko

Nawawala lang lahat

Nakakalimutan nya lahat

Pero pag dating ng gabi

Pag wala nang tao sa kaniyang tabi

Ramdam nya na yung bigat

Pero sabi mo nga, alagaan at mahalin ko sya

Sige lalamangan ko yung ginawa mo

Pag maayos na lahat at sigurado

Ngayo'y masyado pang komplikado

Kagagaling nya lang sayo

Gusto ko lang din ngayon irespeto

Yung tatlong taong may kayo

Respetong di ko naibigay nung kayo."