Bes, tulong!
- ladypaula
- Sep 16, 2016
- 1 min read
Tulong!
Nalulunod ako sa dami nila
Hindi ako makahinga
Ang daming nakadagan na problema
Paano ba umahon?
Wala ba sakin ay magaahon?
Ako na lang ata mag-isa.
Nasaan na sila?
Kanina lamang ay magkakasama kami
Tinulungan ko pa nga sila
Sabi nila "Nandito lang kami lagi"
Ang sakit pala talagang umasa sa wala
Tulong!
Nasusunog ako sa mga haplos at yakap niya
Eto ba yung sinasabi nila
Ang demonyong nakamaskara
Bakit tila ako'y masaya pa?
Ito pa ba ang tama?
Nakalimutan ko na yata.
Tulong!
Binubugbog ako ng mga salita
Hindi direkta pero tumatama
Malakas at puno ng pwersa
Galit na pinapadama
Hindi personal, ngunit nagiiwan ng pasa
Tulong!
Pinapalo ako ng mga matataas na ekspektasyon nila
Pinipilit akong umangat nang wala sila
Patawad sapagkat 'di ko kaya
Kailangan ko ng patnubay
Kailangan ko ng kaagapay
Tulong!
O di bale nalang kaya
Baka ako'y abala pa
"Dito lang kami" sabi nila
Ngunit tila busog na
Sa salitang mga kinain nila
Ako na nga lang talaga magisa
Habang ako'y duguan, nakalumpasay
Pagkalipas ng ilang saglit
"Tulong!", sabi nila.
At agad agad ko silang isinalba
Pinilit kong magmukhang maayos sa kanilang mga mata
Ganiyan naman talaga
Wala sila para sakin
Ngunit mananatili akong nandito para sakanila
Kommentare